‎عمر آدم في حوار خاص مع ” مصطفي عاطف ” أصغر مدرب لغة إنجليزية وصاحب أول كتاب إنجلش بالغة العامية ، و مخرج ومؤلف وممثل عدد 3 أفلام و 6 مسرحيات بالإنجلش .

315 views مشاهدة
أخر تحديث : الأحد 21 أبريل 2019 - 8:36 مساءً
‎عمر آدم في حوار خاص مع ” مصطفي عاطف ” أصغر مدرب لغة إنجليزية وصاحب أول كتاب إنجلش بالغة العامية ، و مخرج ومؤلف وممثل عدد 3 أفلام و 6 مسرحيات بالإنجلش .

: في البداية عرفنا بنفسك ؟؟

: أنا إسمي مصطفي عاطف عندي ٢١ سنة عايش في الجيزة ، حاليا لكن انا من محافظه البحيرة ، في سنة رابعة أداب إنجلش جامعه دمنهور .
: إي أكتر موقف مؤثر في حياتك ؟؟ ‎
: إني جبت في الثانوية العامة مجموع ٨٥٪؜ في حين إن اخواتي كلهم دكاترة ، فا الموقف ده أثر عليا جدا و علي أهلي بالذات امي انها حست بخيبة الأمل فيا و اني إنسان فاشل بقي ومالوش مستقبل وكدة فا ساعتها تعبت نفسيا ومكنتش قادر أعمل أي حاجة .

: هل أهلك كانو موافقين تدخلي المجال ده ؟؟ ‎
: انا دخلت مجال الميديا صدفه بصراحة ، إني عملت ڤيديو بصحح فيه نطق بعض الكلمات اللي بننطقها غلط في الإنجلش ، جاب ١٣٠ الف مشاهدة في حين إن مكنش عندي في الفيس غير ٢٠٠ واحد بس فا طبعا الموضوع كان لذيذ يعني و أهلي شجعوني كتير إني اعمل ڤيديوهات اكتر و كانوا بيوفرولي الهدوء والمساحة المناسبة إني اعمل جديد وبيدوني أفكار .

: لو الزمن رجع بيك لورا إيه الحاجة الي هتعملها أو مش هتعملها ؟؟
: لو رجع بيا الزمن فيه ناس معينه هبعد عنها لأنهم كانوا مصدر إحباط وطاقه سلبية وخلاص و كنت هحاول اني مضيعش اي وقت كده علي الفاضي من غير ما اعمل اي حاجه مفيدة .
: إي ردود أفعال الناس وأهلك علي شغلك ؟؟
: متحمسين جدا ودايما بيشجعوني بالذات امي والدي واخويا الكبير دايما دعم ليا و بيوجهوني صح عشان إنتج صح بالذات في أول كتاب عملته و بصتهم ليا اني أصغر مدرب إنجلش و كمان أصغر صاحب كتاب تعليمي بشكل جديد باللغه العامية .
: إي الهدف الي عايزة توصليه للناس من خلال مجالك ؟؟
: الهدف اني اقدر اساعدهم انهم يحصلوا علي وظايف افضل بسبب الإنجلش لأن اي شغلانو دلوقتي مهما كانت بيطلبوا فيها إنجلش وانك تقدر تعمل أي حاجة طول ما هي هدف في دماغك و السن مالوش علاقه بالخبره اطلاقا ، وان لازم يكون عندك هدف لازم توصله ويغير حياتك ١٨٠ درجة .
: إي خطواتك الفترة الجيه ؟؟
: خطواتي الفتره الجيه اكمل بقيت كتبي بتاعت السلسلة بتاعتي
I learn… ببساطه
اللي نزل منها أول كتاب الحمدلله بالفعل
و ناوي أنزل مجموعة سلاسل ڤيديوهات تعليمية في كذا مجال و كمان عندي بوت تعليمي هنركز عليه شويه اكتر عشان عليه اكتر من ١٥ الف متعلم مجاني واهتم بالفيس والانستا واليوتيوب عشان اوصل لمتابعين اكتر ومتعلمين اكتر واكتر و في النهاية اكون عملت المؤسسة اللي بحلم بيها .
: نصيحة لكل شخص نفسه يبدأ في نفس مجالك ؟؟
: انه يكون عنده محتوي قوي منسق ومنظم ، انه يكون بيقدم جودة كويسة ميديش حد الفرصة انه يعلق عليه ، ميهتمش بأي تعليقات وكومنتات سلبيه من الناس ، ويتقبل النقد البناء اللي هيفيده في شغله ويعلي من قيمتة ومن قيمو محتواه
ويختار الإسلوب اللي هيقدر يلمس بيه الناس وميكونش شخص أكاديمي .
: إي المعوقات الي قبلتك في بدايتك ؟؟
: طبعا الإمكانيات الضعيفة من تصوير ومونتاچ و الكلام ده كان بيقلل من جودة المحتوي بتاعي ، وكمان تريقه صحابي عليا في الأول اللي بعد كده مفرقش معايا تعليقاتهم و تقبلوا الوضع .
: مين أكتر حد وقف جنبك ، تحب تقوله إي ؟؟
: والدي واخويا الكبير وامي ومحمود الدغيدي صديق عمري
احب اقول لوالدي شكرا علي كل الدعم والثقة اللي دايما كنت بتدهوملي واحساسي انك صاحبي مش ابويا و انك الوحيد اللي بتدعم قراراتي لمجرد انك عاوز بس تفرحني وتقويني
ولأمي اللي مبيعديس عليها يوم ولا صلاة من غير ما تدعيلي و انها بتحاول دايما تعمل اللي بيفرحني بشكرك جدا يا امي ويارب ما اشوف فيكي اي مكروه واقدر اعملك اللي يفرحك دايماولأخويا الكبير لانه هو العقل اللي بيفكرلي قبل ما اخد اي خطوة ، عاوز اقولك اني بحبك جدا وبشكرك جدا وان لولاك في حياتي كان زماني لسه متأخر كتير عن اللي انا فيه دلوقتي ، محمود اللي عمري ما احتاجته الا ولقيته جنبي صديق عمري ١٤ سنة مع بعض ، دايما في باله وبيفتكرني و من قبل ما احتاجه بلاقيه موجود معايا في اي مشكلة او اي سفر بعيد ، ربنا يفرحك ويارب أشوفك محقق كل أحلامك يا صديقي .
: إحكيلي بقا من أول ما بدأت في مجالك لحد دلوقتي ؟؟ ‎
: كل الحكاية جت من فيديو مدته ٣ دقايق بصحح فية شوية كلمات بننطقهم و عجب الناس كلها ورد فعلهم كان مدهش جدا بالنسبالي ، بعدها أكونتي علي الفيس إتقفل لمده أسبوعين و فتح تاني عملت ڤيديوهات كتير بعدها حوالي ٤٠ ڤيديو لحد دلوقتي أهم سلسلة علي الفيس بوك اسمها #هنطقهالك ، كنت بركز فيها علي تعليم النطق الأمريكي و طبعا قبلها كنت بصحح كل الاخطاء الشائعة في النطق ، عملت إيڤنتات في أنا كتير زي القاهرة و دمنهور و الإسكندرية وطنطا والسويس و في الأول أنا أما كنت عايش في البحيرة كنت مدرس إنجلش ثانوي و كان عندي ١٧ سنة وشوية داخل علي ١٨ يعني وكنت أصغر مدرس إنجلش ساعتها وفضلت شغال كده لمدة سنتين ونص لحد ما قررت بقي إني اسافر القاهرة و أستقر هناك عشان أظدي كورسات بس و ﻻبعد عن الثانوية العامة وصداعها و ركزت هناك علي الكورسات اكتر وسبت الثانوية العامة وعملت ڤيديوهات اكتر وساعتها اتعملي شير كتير جدا لڤيديوهاتي علي الفيس بوك بالذات و عندي عليه ١٠٠ الف متابع و علي الانستا ١٠٠ و قبل الانجلش وكده كنت شغال في مجال البرمجة كان عندي ١٢ سنة تقريبا و اشتغلت لصالح ٤ شركات اجنبية ف ده كان دافع قوي عندي اني اظبط اللغة و فضلت في مجال البرمجة لمدة ٥ سنين لحد ١٧ سنة و بدأت بقي مشوار الإنجلش و بقالي بالظبط علي ال social media حوالي سنه و ٣ شهور .

: كلمة للفانز بتوعك ؟؟
: الحقيقة عمري ما قولت عليهم فانز أو معجبين و دايما بقول عليهم أخواتي و أصحابي يعني حابب أشكركم جدا جدا لأن بفضلكم بعد فضل ربنا سبحانه وتعالي بقي فيه مصطفي عاطف وشكرا ليكم علي دعمكم ووجودكم الدايم جنبي و الثقة اللي بتدوهالي و يارب أكون دايما عند حسن ظنكم واقدملكم كل اللي عندي وتفضلوا دايما حابين أسلوبي في التعليم .
بنشكرك يا مصطفي علي الحوار الممتع ده وربنا يوفقك يااارب وتحقق كل الي نفسك فيه .

شارك المقالة على :
رابط مختصر

أضـف تـعـلـيق 0 تـعـلـيـقـات

* الإسم
* البريد الألكتروني
* حقل مطلوب

البريد الالكتروني لن يتم نشره في الموقع

شروط النشر:

عدم الإساءة للكاتب أو للأشخاص أو للمقدسات أو مهاجمة الأديان أو الذات الالهية. والابتعاد عن التحريض الطائفي والعنصري والشتائم.

ان كل ما يندرج ضمن تعليقات القرّاء لا يعبّر بأي شكل من الأشكال عن آراء اسرة الأنباء العالمية الالكترونية وهي تلزم بمضمونها كاتبها حصرياً.