عمر آدم يحاور ” هيدي عمرو ” الموديل المتألقة في مجال الإعلانات ؛ التي واكبت كل الظروف لتحقق حلمها .

186 views مشاهدة
أخر تحديث : السبت 20 أكتوبر 2018 - 10:11 مساءً
عمر آدم يحاور ” هيدي عمرو ” الموديل المتألقة في مجال الإعلانات ؛ التي واكبت كل الظروف لتحقق حلمها .
شارك المقالة على :

حوار : عمر آدم .

عمر : في البداية عرفينا بنفسك ؟؟ 
هيدي : إسمي هيدي عمرو ، عندي ٣١ سنة ، متخرجة من إرشاد سياحي ، إتولدت و عايشة في القاهرة .

عمر: كلمينا عن حياتك ؟؟ 
هيدي : أنا حياتي كلها شغلي و إبني و أهلي و محاولاتي المستمرة إني أوصل لهدفي .

عمر : أكتر موقف مؤثر في حياتك ؟؟ 
هيدي : موت جدي ! تعبت جداً و لسه تعبانة من غيرة .

عمر : الزمن لو رجع بيكي إيه الحاجة إللي هتعمليها و إيه إللي مش هتعمليها ؟؟ 
هيدي : مفيش حاجة مش هعملها حتي أخطائي لأن أنا إتعلمت كتير من كل موقف حصلتلي أو قرار أخدته سواء كان صح أو غلط .

عمر : أهلك موافقين و لا معارضين دخولك المجال ؟؟ 
هيدي : موافقين جداً و شايفيين إني موهوبة بس دايماً بينصحوني .

عمر : ردود أفعال الناس حواليكي ؟؟ 
هيدي : فيه ناس معارضاني و شايفة إني مش هوصل لحاجة و ناس مؤمنة جداً بيا و دايماً بيشجعوني إني أكمل و بيتابعوا كل شغلي .

عمر : إيه هي نصائح أهلك ليكي ؟؟ 
هيدي : إن أنا بنت و لازم أخللي بالي من نفسي و مخليش حبي للمجال ده ينسيني مبادئي و تربيتي .

عمر : الهدف إي من دخولك المجال ؟؟ 
هيدي : هدفي الوحيد تحقيق حلمي في إني أكون موديل و فيديو بلوجر مشهورة و أقدر أوصل الموهبة إللي عندي للناس .

عمر : نصيحة لكل بنت نفسها تكون موديل ؟؟ 
هيدي : إمسكي في حلمك و هتوصلي، بس لازم دايماً تتخلي مبادئك قصادك علشان متعمليش حاجة و تندمي عليها في المستقبل .

عمر : مين إكتشفك و مين ساعدك ؟؟ 
هيدي : إللي إكتشفتني صاحبتي و هي شغالة في مجال الإعلانات و كانت أول واحدة تخليني أصور إعلان للسوشيال ميديا ، و إللي ساعدني و لسه بيساعدني ” سيف المصري ” و هو طبعاً غني عن التعريف ؛ سيف من أول ما إبتديت أعمل فيديوهات

و هو معايا وواقف جنبي و عمره ما كان بخيل في معلوماته معايا و بيعلمني كل الحاجات إللي تخليني أنجح و أعمل فيديوهات حلوة و مبيسبنيش و دايماً رأيه بيكون أهم رأي بنسبالي و إللي شهرني و خلاني أتعرف الفترة إللي فاتت في مجال الفيديو بلوجينج و السوشيال ميديا إن من حسن حظي أنا و سيف بقينا دويتو معروف و محبوب جداً ؛ إسمي جنب إسم سيف شرف ليا و حاجة تكبرني و من غيره جنبي مكنتش هوصل للي وصلتله .

قصة حياتك من اول ما بدأتي في مجال الموديل ؟؟ 
هيدي : طول عمري بحب الغناء و التمثيل و كان نفسي من زمان أوي أدخل المجال ده و أحقق حلمي إبتديت في الموديلينج من ٣ سنين و عملت كذا سيشن تصوير فاشون و ميك اب و سوشيال ميديا و بعدين عملت إعلان تليفزيون و إتعرفت في الوسط ده جداً

و في يوم دخلت علي تيك توك ألعب من غير هدف و لقيت إني عايزة أكمل فيه خصوصاً لما الناس حبتني و إبتديت أتعرف و حسيت إنه خطوة هتوصلني لحلمي
الحمدلله حققت جزء صغير من حلمي و هفضل وراه لحد ما أوصل للي عايزاه و أكتر .

بنشكرك يا هيدي علي الحوار الجميل ده وربنا يوفقك وتحققي كل الي نفسك فيه يااارب 

ربما تحتوي الصورة على: ‏‏شخص واحد‏، و‏‏جلوس‏‏‏

ربما تحتوي الصورة على: ‏‏‏٢‏ شخصان‏، و‏‏أشخاص يبتسمون‏، و‏‏أشخاص يقفون‏‏‏‏ربما تحتوي الصورة على: ‏‏شخص واحد‏، و‏‏‏جلوس‏ و‏طاولة‏‏‏‏


شارك المقالة على :
رابط مختصر

أضـف تـعـلـيق 0 تـعـلـيـقـات

* الإسم
* البريد الألكتروني
* حقل مطلوب

البريد الالكتروني لن يتم نشره في الموقع

شروط النشر:

عدم الإساءة للكاتب أو للأشخاص أو للمقدسات أو مهاجمة الأديان أو الذات الالهية. والابتعاد عن التحريض الطائفي والعنصري والشتائم.

ان كل ما يندرج ضمن تعليقات القرّاء لا يعبّر بأي شكل من الأشكال عن آراء اسرة الأنباء العالمية الالكترونية وهي تلزم بمضمونها كاتبها حصرياً.